काठमाडौं । लुम्बिनी विकास बैंक लिमिटेडले ६० हजार ७०९ कित्ता संस्थापक शेयर विक्रीमा ल्याएको छ । बैंकका संस्थापक शेयरधनी किशोर राज पाण्डेले आफ्नो नाममा रहेको उक्त शेयर बिक्रीका लागि निवेदन पेश गरे अनुसार बैंकले विद्यमान संस्थापक शेयरधनीहरूले मात्र खरिद गर्न पाउने गरी यस शेयर विक्रीमा ल्याएको हो ।
इच्छुक विद्यमान संस्थापक शेयरधनीहरूले आगामी ३५ दिनभित्र कम्पनीको केन्द्रिय कार्यालय डिल्लीबजार, काठमाडौंमा आवेदन पेश गर्नुपर्नेछ ।
तोकिएको अवधिभित्र विद्यमान संस्थापक शेयरधनीहरूबाट आवेदन प्राप्त नभएमा अन्य व्यक्ति तथा संस्थापक शेयरधनीहरूमा शेयर विक्री गरिने बैंकले जनाएको छ ।
